పూర్తిస్థాయి కామెడీ చేయలేను : మహేష్ బాబు..దూకుడు వసూళ్లు 100 కోట్లు...

నటుడిగా 'ఒక్కడు' గుర్తింపుతెస్తే, 'అతడు'తో దర్శకనిర్మాతలకు కూడా హీరో అయ్యాడు. 'పోకిరి' సృష్టించిన రికార్డులు మహేష్‌బాబుకు స్టార్‌ ఇమేజ్‌ తీసుకొచ్చాయి. కానీ ఇదే ఊపు ఆ తర్వాత చూపలేకపోయారు. మరో విజయం దక్కలేదు. అపజయాలు పలకరిస్తున్న సమయంలో, విజయం తప్పనిసరి అన్న పరిస్థితిలో 'దూకుడు' ఫలితం హుషారునిచ్చింది. ఈ సందర్భంలో 'దూకుడు' సక్సెస్‌మీట్‌లో ఆయన పాల్గొన్నారు. మీడియాతో పలు విషయాలు ఇలా చెప్పుకొచ్చారు... *‌ దూకుడులో నా పాత్రకు నాలుగురకాల షేడ్స్‌ ఉన్నాయి. ఇవన్నీ ఇప్పటివరకు చేయలేదు. కామెడీ పండించటమే కాకుండా, పలు విధాలుగా పాత్ర పోషణ చేయటం కొత్తగా ఉంది. ఇలాంటి తరహా ప్రతీ చిత్రంలో చేయాలంటే సాధ్యం కాదు. పూర్తిస్థాయి కామెడీ పాత్రలు చేయలేను కూడా. *‌ పోకిరి ఇమేజ్‌ చాలా చిత్రాల్లో పడింది. దాన్నుంచి బయట పడడానికి చాలాకాలం పట్టింది. పోకిరి తర్వాత ఏ సినిమా చేసినా దాన్ని బేరీజు వేసుకుంటున్నారు. అందులో ఒకే పాత్ర డిపెండ్‌ అయింది. దూకుడులో అలా లేదు. చాలా వేరియేషన్స్‌ ఉన్నాయి. 'దూకుడు' ఇమేజ్‌ రాబోయే చిత్రాల్లో పడుతుంది. దాన్నుంచి బయటపడాలంటే చాలా కసరత్తు చేయాలి. అవి ఎలాగనేది త్వరలో వచ్చే బిజినెస్‌మ్యాన్‌లో చూడండి. *‌ సినిమా షూటింగ్‌ సమయంలోనే దర్శకుడు శ్రీనువైట్ల మీకు బ్లాక్‌బస్టర్‌ హిట్‌ ఇస్తున్నానని అన్నారు. కానీ ఆయన నాకు ఇండిస్టీ రికార్డ్‌ ఇచ్చారు. అమెరికాలో రెస్సాన్స్‌ బ్రహ్మాండంగా ఉంది. నైజాంలో వచ్చినంత కలెక్షన్లు అమెరికాలో వచ్చాయి. ఇలా రావడానికి శ్రీనువైట్ల దర్శకత్వంతోపాటు నిర్మాతల పబ్లిసిటీ కూడా ఎంతో సహకరించింది. నేను చేసిన చిత్రాల్లో బెస్ట్‌ ప్రొడ్యూసర్స్‌ వీరు. వీరి బ్యానర్‌లో మరో సినిమా చేయబోతున్నా. *‌ సినిమా విడుదలకాగానే ముంబైలో పూరీజగన్నాథ్‌ షూటింగ్‌కు వెళ్ళిపోయాను. మొదటిరోజే మంచి టాక్‌ వచ్చింది. విజయయాత్ర చేస్తున్నామని దర్శకనిర్మాతలు చెప్పారు. నేను ప్రేక్షకుల స్పందనను కళ్ళతో చూడలేకపోయాను. రెస్సాన్స్‌ బాగా వచ్చిందని చెప్పారు. ముఖ్యంగా ఎం.ఎల్‌.ఎ. గెటప్‌కు మంచి స్పందన వచ్చింది. పోకిరిలో పోలీసు ఆఫీసర్‌ అనేది చివర్లో తెలుస్తుంది. దూకుడులో మొదటే తెలుస్తుంది. దాన్ని ఎలా డీల్‌ చేస్తాడనే టెన్షన్‌ చాలా మందిలో ఉంది. సినిమా మొత్తం చూశాక బాగా తీశాడని కాంప్లిమెంట్‌ ఇచ్చారు. * నాకు ఈ చిత్రంలో అన్ని సీన్స్‌ ఇష్టమే. కానీ మందుకొట్టే సీన్‌ను కొత్తగా ఉండాలని.. నాచేత తాగించకుండా కేవలం వాసన చూసి మత్తులోకి వెళ్ళినట్లు చూపించే విధానం దర్శకుడు టాలెంట్‌కు నిదర్శనం. దాన్ని ప్రేక్షకులు బాగా ఎంజారు చేస్తున్నారు. *‌ నాన్నగారు ఫోన్‌చేసి శుభాకాంక్షలు చెప్పడమే ఉత్తమ కాంప్లిమెంట్‌. చూసిన రోజే వెంటనే ఫోన్‌ చేసి 80కోట్లు కలెక్ట్‌ చేస్తుందని చెప్పారు. ఇక పూరీగారైతే కామెడీ టైమింగ్‌ అద్భుతంగా ఉందన్నారు. బ్రహ్మానందంకంటే కొన్ని సీన్స్‌ డామినేట్‌ చేశారని కాంప్లిమెంట్‌ ఇచ్చారు. అంతకన్నా కావాల్సింది ఏముంది. రాజమౌలికూడా అభినందించారు. ఈ చిత్రాన్ని పలు బాషల్లో తీయడానికి ప్రయత్నిస్తున్నారు. హిందీలో నన్నే చేయమని కొంతమంది అడిగారు. నేను తెలుగులోనే బిజీగా ఉన్నాను. ఇప్పట్లో చేసే ఆలోచన లేదు. *‌ బిజినెస్‌మేన్‌ ఇంకా షూటింగ్‌ జరుగుతుంది. జనవరి 12న రిలీజ్‌కు ప్లాన్‌ చేస్తున్నారు. పోకిరి తర్వాత మా కాంబినేషన్‌లో వస్తున్న చిత్రం. భారీ అంచనాలున్నాయి. దూకుడు చిత్రం ఆ చిత్రానికి ప్లస్‌ అవుతుంది. *‌ వెంకటేస్‌తో కలిసి నటించడం చాలా సంతోషంగా ఉంది. ఆ పాత్ర గురించి ఇప్పుడే చెప్పకూడదు. దర్శకుడు శ్రీకాంత్‌ అడ్డాల చెప్పిన కథ బాగా నచ్చింది. రేపు ప్రేక్షకులకూ నచ్చుతుందనే నమ్మకముంది. దూకుడు వసూళ్లు 100 కోట్లు

- సూపర్‌స్టార్ కృష్ణ

పోకిరి సినిమా ఫస్ట్ షో చూసి, 40 కోట్లు వస్తుందని చెప్పాను. అది నిజం అయ్యింది. అలాగే ‘దూకుడు’ సినిమా ఫస్ట్ షో చూసి, 80 కోట్లకు పైగా వసూలు చేస్తుందని చెప్పాను. నా మాట నిజమైంది. 80కోట్లు కాదు... ప్రపంచవ్యాప్తంగా 100 కోట్లు వసూలు చేస్తోంది ఈ సినిమా. ‘దూకుడు’ విజయానికి ఎన్నో కారణాలున్నాయి. అన్ని రకాల ఆడియన్స్ ఈ సినిమాను చూసి ఎంజాయ్ చేస్తున్నారు. ఇంత విజయానికి కారణం 24 శాఖలవారు గొప్పగా పని చేయడమే. 2గంటల 40నిమిషాల పాటు ఈ సినిమా చూస్తున్నంతసేపు నవ్వుతూనే ఉన్నాను. అన్ని రికార్డులను ‘దూకుడు’ బ్రేక్ చేస్తుంటే మహేష్ తండ్రిగా గర్వంగా ఫీలవుతున్నాను. ఇందులో మహేష్ అందంగా కనిపించాడు. దూకుడు చూస్తూ నన్ను మరచిపోయా - విజయనిర్మల ఏదైనా సినిమా చూసినప్పుడు తప్పులు వెతకడం నాకు అలవాటు. ఈ సినిమా చూస్తున్నప్పుడు నన్ను నేను మరచిపోయాను. నిద్రలో కూడా నవ్వు తెప్పిస్తున్నాయి ఈ సినిమా డైలాగులు. ఇప్పటికి రెండు సార్లు చూశాను. మూడోసారి కూడా చూడాలనుకుంటున్నాను. సీరియస్‌గా మహేష్ కామెడీ పండించాడు. తమిళనాడు, కర్నాటక.. ఇలా రిలీజైన అన్ని చోట్ల ప్రేక్షకులు ఈ సినిమాని ఎంజాయ్ చేస్తున్నారు.