ఆల్‌ టైమ్ రికార్డు దిశగా 'దూకుడు'

 

మహేశ్, శ్రీను వైట్ల కాంబినేషన్‌లో వచ్చిన 'దూకుడు' చిత్రం 80 సంవత్సరాల తెలుగు చలనచిత్ర చరిత్రలో ఆల్‌టైమ్ రికార్డు దిశగా దూసుకుపోతోంది. 14 రీల్స్ ఎంటర్‌టైన్‌మెంట్ పతాకంపై జి. రమేశ్‌బాబు సమర్పణలో నిర్మించిన 'దూకుడు' (డేరింగ్ అండ్ డాషింగ్) చిత్రం విడుదలైన తొలి వారం రోజుల్లోనే రూ. 50.07 కోట్ల గ్రాస్, రూ. 35.01 కోట్ల షేర్ సాధించి సరికొత్త రికార్డును సృష్టించిందని నిర్మాతలు రామ్ ఆచంట, గోపీచంద్ ఆచంట, అనిల్ సుంకర తెలిపారు.

"ఈ చిత్రం ఆంధ్రప్రదేశ్, కర్ణాటక, తమిళనాడు, ఉత్తర భారతదేశంతో పాటు విదేశాల్లోనూ సంచలనం విజయం సాధించి సరికొత్త రికార్డులు సృష్టిస్తోంది. అమెరికాలోని లాస్ ఏంజిల్స్ టైమ్స్ పత్రిక 'దూకుడు' సాధించిన అద్భుత విజయంపై స్పెషల్ ఆర్టికల్స్ రాయడం చూస్తే అక్కడ ఈ సినిమా ఎంతటి సెన్సేషన్ సృష్టిస్తున్నదో తెలుస్తోంది'' అని వారు చెప్పారు.

వారు అందించిన వివరాల ప్రకారం 'దూకుడు' రికార్డుల వివరాలు...
నైజాం - గ్రాస్ రూ. 12.51 కోట్లు, సీడెడ్ - 6.30 కోట్లు, గుంటూరు - 2.84, కృష్ణా - 2.11, నెల్లూరు - 1.25, తూర్పు గోదావరి - 2.25, పశ్చిమ గోదావరి - 1.75, వైజాగ్ - 2.90, కర్ణాటక - 4.55, ఒరిస్సా - 0.45, ఉత్తర భారతం - 0.60, తమిళనాడు - 1.05, యు.ఎస్.ఎ. - 8.12, యు.కె. - 1.26, ఆస్ట్రేలియా - 0.65, మలేషియా, సింగపూర్ - 0.48, ఓవర్సీస్ (ఇతరం) - 1.00 కోట్లు. మొత్తం - గ్రాస్ రూ. 50.07 కోట్లు, షేర్ రూ. 35.01 కోట్లు.