సీతమ్మ వాకిట్లో .... సుపర్ స్టార్ ప్రిన్స్ మహేష్ బాబు , వెంకటేష్

• శ్రీ వెంకటేశ్వరా క్రియేషన్స్‌ పతాకంపై దిల్‌రాజు నిర్మిస్తున్న 'సీతమ్మ వాకిట్లో సిరిమల్లె చెట్టు' చిత్రంలో వెంకటేష్‌, మహేష్‌ అన్నదమ్ములుగా నటించనున్నారు . 
• ఈ విషయాన్ని నిర్మాత తెలియజేస్తూ...' విజయదశమి ' పర్వదినాన మా సంస్థ కార్యాలయంలో పూజ నిర్వహించాం. 
• కథ చెప్పినప్పుడు ఇద్దరు హీరోలు అంగీకారం తెలిపారు. ఈ కథను దర్శకుడు శ్రీకాంత్‌ రెండేళ్ల క్రితం చెప్పాడు. 
• ముందుగా వెంకటేష్‌ గ్రీన్‌సిగల్‌ ఇచ్చాడు. 
• రెండో హీరో కోసం వెతుకుతూ 'దూకుడు' సెట్‌లో మహేష్‌ను కలిసి కథ చెబితే..15 నిముషాల్లో ఓకే చేశాడు. 
• ఇది కుటుంబకథా చిత్రం. హీరోలు బిజీగా ఉన్నందున పూజకు రాలేదు. రెగ్యులర్‌ షూటింగ్‌ డిసెంబర్‌లో ప్రారంభిస్తాం. 
• మేలో సినిమాను విడుదల చేస్తాం' అని తెలిపారు. 
• పూజా కార్యక్రమానికి దాసరి నారాయణరావు, రాజమౌళి, వినాయక్‌ తదితరులు హాజరయ్యారు. చక్కటి తెలుగు టైటిల్‌తో సినిమా వస్తుందనీ, ఈ సందర్భంగా యూనిట్‌కు వారు శుభాకాంక్షలు తెలియజేసారు .

• ‘సీతమ్మ వాకిట్లో...’ సూపర్‌స్టార్స్

  అందరి దృష్టినీ తమవేపు నిలుపుకునే అసలు సిసలైన మల్టీస్టారర్ చిత్రానికి రంగం సిద్ధమైంది. ‘సీతమ్మ వాకిట్లో సిరిమల్లె చెట్టు’ సాక్షిగా ప్రేక్షకుల మనసుల్లో మరుమల్లెలు పూయించడానికి ఇద్దరు అగ్రహీరోలు-  ప్రిన్స్ మహేష్ బాబు , వెంకటేష్  రెడీ అయ్యారు. ఈ సూపర్‌స్టార్స్ ఇద్దరినీ ఒకే స్క్రీన్ మీదకు తీసుకొచ్చిన క్రెడిట్ సంచనల చిత్రాల నిర్మాత ‘దిల్’ రాజుకు దక్కుతుంది. సరిగ్గా మూడేళ్ల క్రితం ప్రేక్షకులను ‘కొత్తబంగారులోకం’లో విహరింపజేసిన దర్శకుడు శ్రీకాంత్ అడ్డాల ఈ చిత్రానికి దర్శకుడు కావడం విశేషం.  అపురూప కలయికలో వస్తున్న ఈ చిత్రానికి ‘సీతమ్మ వాకిట్లో సిరిమల్లెచెట్టు’ అన్న పేరును పెట్టి, తొలి అడుగులోనే అభినందనలు అందుకుంటున్నారాయన.  ఇద్దరు నాయికలు వుండే ఈ చిత్రంలో ఓ కథానాయికగా సమంత నటించనున్నట్టు సమాచారం. ‘దూకుడు’లో మహేష్‌బాబు సరసన చేసిన సమంత ఇందులో రెండోసారి ఆయన సరసన జతకడుతున్నట్టు వినికిడి.  ‘దిల్’రాజు ప్రతిష్టాత్మకంగా తెరకెక్కించనున్న ఈ సినిమాకు సంబంధించిన పూజా కార్యక్రమం దసరారోజు అయిన ఈ నెల 6న నిర్వహించనున్నట్టు తెలిసింది. వచ్చే ఏడాది విడుదలయ్యే ఈ సినిమా ప్రేక్షకులకు నిజంగా ‘డబుల్ ధమాకా’నే అని చెప్పొచ్చు.